Ótken jylmen salystyrǵanda qarajat 39 paıyz ósken
Almatynyń Bostandyq aýdanynda bıylǵy jyldyń 1-jartyjyldyǵynda memlekettik búdjetke 364 mlrd teńgeden astam qarajat túsken. Bul týraly Memlekettik kirister basqarmasynyń basshysy Abaı Áli Bostandyq aýdany halqymen kezdesýinde aıtty, dep habarlaıdy Almaty-akshamy.kz Almaty.tv-ge silteme jasap.
Onyń aıtýynsha, bul túsimder ótken jylmen salystyrǵanda 39 paıyz ósken. Kezdesý aıasynda kólik quraldary men múlik salyǵy, jalpyǵa birdeı deklarasıalaý máseleleri sóz boldy.
«Memlekettik kirister basqarmasynyń mindeti – sapaly túrde tolyq merzimde belgilikti jáne respýblıkalyq búdjetke túsimderdiń salyqtaryn tolyq qamtamasyz etý. Bul – kishi jáne orta bıznespen aınalysatyn salyq tóleýshiler shoǵyrlanǵan jer», – dedi Bostandyq aýdany memlekettik kirister basqarmasynyń basshysy Abaı Áli.