2024 jyly Almaty qalasynyń Bostandyq aýdanynda Músirepov jáne Buqar jyraý kósheleriniń qıylysyndaǵy balalar alańyn jóndeý jumystary aıaqtaldy. Jóndeý jumystary «Halyq qatysatyn búdjet» baǵdarlamasy aıasynda júzege asyryldy, dep habarlaıdy Aqshamnews.kz
Jańartylǵan oıyn alańy qazir balalar men olardyń ata-analary úshin zamanaýı jáne qaýipsiz demalys orny bolyp tabylady. Jumys barysynda jańa oıyn keshenderi ornatyldy, rezeńke jabyn aýystyryldy, jaryqtandyrý jańartyldy, jańa oryndyqtar men ýrnalar qoıyldy.
Bostandyq aýdanynyń turǵyny Anıta Efremova alańǵa qatysty óz áserimen bólisti:
«Alań bizdiń kóshede tamasha demalys ornyna aınaldy. Ákimdik pen merdigerlerge atqarylǵan jumystary úshin alǵys aıtamyz. Nemerelerim ekeýmiz kún saıyn osynda serýendeımiz — olar ony jaqsy kóredi jáne aýmaq árqashan taza jáne jaqsy kútimdi. Ǵajap!» - dedi ol.
Bostandyq aýdanynda HQB baǵdarlamasy boıynsha 2024 jyly 50-den astam joba iske asyryldy. Atap aıtqanda, Orbıta 3 jáne Orbıta 4 shaǵyn aýdandaryndaǵy balalar alańdary retke keltirildi, aýlalar abattandyryldy, alty kóshede tehnıkalyq trotýar tóseý jumystary júrgizildi. Abaı dańǵylynda bólý jolaǵyn abattandyrý aıaqtaldy. Jańǵyrtý Baızaqov kóshesinen Turǵyt Ózal kóshesine deıingi uzyndyǵy 3 shaqyrymǵa jýyq ýchaskeni qamtydy. Tósenishter tóseldi, avtomatty sýarý júıesi, besedkalar ornatyldy, sonymen qatar jaryqtandyrý tolyǵymen jańartyldy. Barlyq ýrnalar, oryndyqtar aýystyryldy, sondaı-aq qala turǵyndarynyń jaıly demalýyna arnalǵan shaǵyn sáýlet pishinderi men átkenshekter ornatyldy. Kógaldar tolyǵymen jańartyldy, butalar otyrǵyzyldy.
Bıyl aýdanda «Halyq qatysatyn búdjet» baǵdarlamasy aıasynda 26 joba iske asyrylatyn bolady.
Almatyda jergilikti turǵyndarǵa qalalyq ınfraqurylymdy jańartý boıynsha óz ıdeıalaryn júzege asyrýǵa múmkindik beretin «Halyq qatysatyn búdjet» baǵdarlamasy tabysty iske asyrylýda. Úsh jyl ishinde megapolıste 39,1 mlrd teńge somasyna 938 joba iske asyryldy.
«Halyq qatysatyn búdjet» baǵdarlamasy qala turǵyndarynyń tilekterin eskere otyryp, jaıly qalalyq ortany qurýdyń tıimdi quralyna aınaldy jáne Almaty ákimdigi onyń damýyn qoldaýǵa nıetti. Qala ákiminiń tapsyrmasy boıynsha «HQB» jobalaryna 2025 jylǵa arnalǵan qala búdjetinde 17,1 mlrd teńge qarastyrylǵan.