Ótinish berý 3 naýryzda bastalady.
Endi qaryzy bar, biraq ony óteı almaı júrgen azamattar bankrottyqqa ótinish bere alady dep habarlaıdy Almaty-akshamy.kz
Prezıdent 2022 jylǵy 22 jeltoqsanda QR «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» zańyna qol qoıdy. Bul resmı jarıalanǵannan keıin 60 kún ótkennen soń kúshine enedi.
Qarjy naryǵyn retteý jáne damytý agenttiginiń habarlaýynsha, bankrottyq týraly zań rásimniń úsh túrin kózdeıdi, olar – sottan tys bankrottyq, sot arqyly bankrottyq jáne tólem qabilettiligin qalpyna keltirý. Atalǵan rásimderge tek qaryz alýshynyń ózi ótinish bere alady, ıaǵnı kredıtor boryshkerdiń bankrottyǵyna ótinish berýge quqy joq.
Bes jyl boıy qaryz jáne mıkrokredıt alýǵa tyıym salynady (lombardtardyń mıkrokredıtterin alýdy qospaǵanda );
qaıta bankrottyq bolý 7 jyl ótken soń ǵana múmkin bolady;
bankrot bolǵan tulǵanyń qarjylyq jaǵdaıyna bankrottyqtan keıin 3 jyl boıy monıtorıń júrgiziletin bolady.
Jeke tulǵanyń bankrottyǵy tártibi týraly tolyqqandy aqparat QR Qarjy mınıstrliginiń jáne QR Qarjy mınıstrligi Memlekettik kirister komıtetiniń ınternet-resýrstarynda jarıalanady.
Qosymsha aqparat alý úshin «Azamattarǵa arnalǵan úkimet» baılanys ortalyǵyna 1414 nómirine (qosymsha nómir 3) ne https://t.me/SalyqBot Telegram-chatyna habarlasýǵa bolady.