2024 jylǵy 15 qarashada Batys Qazaqstan oblysy Baıterek aýdanynyń soty alıment boıynsha qasaqana tólemeı júrgen boryshkerdi Qazaqstan Respýblıkasynyń Ákimshilik quqyq buzýshylyqtar týraly kodeksiniń 669-babyna sáıkes (Sot úkimin, sot sheshimin nemese ózge de sot aktisin jáne atqarýshylyq qujatty oryndamaý) kináli dep taný jáne 5 kúnge qamaýǵa alý týraly sheshim shyǵardy, dep habarlaıdy aqshamnews.kz
Boryshker 2021 jyldyń 29 sáýirinen bastap alıment tólemegen, saldarynan 1 178 558 teńge kólemindegi qaryzy jınalǵan. Jalpy, bıylǵy jyly oblys prokýratýrasynyń «Alıment boıynsha 10 qadam» jobasyn júzege asyrý jáne qabyldanǵan sharalardyń nátıjesinde oblys boıynsha alıment boryshy 2,4 mıllıardtan 1,4 mıllıard teńgege deıin azaıǵan.
487 mıllıon teńge somasyndaǵy alımenttikqaryzdar óteldi. Ýákiletti organdar arasynda ózara tıisti árekettesýge qol jetkizildi. 451 boryshker jumyspen qamtyldy, 598 boryshker jumyspen qamtý organdarynda tirkeldi. Boryshkerlerdiń 5 jyljymaıtyn múliktegi úlesteri (3 páter, jer ýchaskesi, turǵyn úıdegi úlesteri) satyldy, sonymen qatar 75,5 mıllıon teńge kólemindegi qaryz esebine óndirip alýshylarǵa berildi. Boryshkerlerdi bás tigýshiler retinde tirkeýdiń 7 faktisi anyqtaldy.
Olar boıynsha alıment tóleý mindetinen jaltarǵany úshin Qazaqstan Respýblıkasy Qylmystyq kodeksiniń 139-babyna sáıkes qylmystyq ister tirkeldi (Balalardy asyraý úshin qarajat tóleý boıynsha mindettemelerdi oryndamaý, múgedek ata-anany, múgedek jubaıyn asyraýǵa qarajat tóleýden jaltarý).
114,2 mıllıon teńge kóleminde lombardtarda zergerlik buıymdardy satýmen aınalysqan 281 boryshker anyqtaldy. 165 boryshker ákimshilik jaýapkershilikke tartyldy. Qazaqstan Respýblıkasy Qylmystyq kodeksiniń 139-babyna sáıkes 37 qasaqanaboryshkerlerge qatysty 37 materıal tirkelgen. Onyń ishinde 4 is boıynsha úkim shyǵaryldy.
Osy baǵyttaǵy jumys jalǵasýda.