Air India áýekompanıasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyrady.
Londonǵa bet alǵan áýe kemesi Meghanı aýdanynda qulaǵan. Oqıǵa ornyn qoıý qara tútin basyp, jedel qutqarý qyzmeti iske qosyldy, dep habarlaıdy aqshamnews.kz.
Aldyn ala málimet boıynsha, shamamen 300 jolaýshyǵa arnalǵan Boeing 787 Dreamliner bortynda ekıpaj múshelerin qosqanda 240-tan astam adam bolǵan. Reıs uzaq qashyqtyqqa ushý úshin aıtarlyqtaı janarmaı quıylǵan. Bul jarylys pen apattan keıingi órtti kúsheıtti.
Oqıǵa ornyna órt sóndirý qyzmeti men qutqarý jumystaryn júrgizý úshin jedel járdem vagondary jiberildi. Ázirge jábirlenýshiler týraly resmı aqparat joq.
Úndistannyń Azamattyq avıasıa Bas basqarmasy (DGCA) Boeing kompanıasynyń tehnıkalyq komısıasy qatysýymen tergeýdi bastaıdy dep josparlanǵan.
- Úndistannyń ishki ister mınıstri Amıt Shah bolǵan jaǵdaıǵa baılanysty Gýdjarat shtatynyń Bas mınıstri Bhýpendra Patelmen, shtattyń ishki ister mınıstri Harsh Sanghavımen jáne Ahmedabad polısıasynyń komısarymen kelissózder júrgizdi. Ol Ortalyq Úkimet memleketke apattyń saldaryn joıýǵa jáne tergeý júrgizýge barlyq qajetti kómekti kórsetedi dep sendirdi, - delingen maqalada.