Jábirlenýshi quqyq qorǵaý organdaryna er adam ózine jáne otbasyna kúsh kórsetip, odan 1 mln teńge bopsalaǵanyn habarlady.
200 myń teńge alý kezindegi jedel-tergeý áreketteriniń nátıjesinde shyǵysqazaqstandyq jedel ýákilder buryn sottalǵan 37 jastaǵy oblys ortalyǵynyń turǵynyn ustady. Kúdikti óz áreketin moıyndaǵan, onyń zańsyz áreketterin rastaıtyn qolma-qol aqsha tárkilendi.
Atalǵan fakti boıynsha sotqa deıingi tergeý júrgizilip jatyr. Kúdiktiniń múlki tárkilenip, úsh jyldan jeti jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý qaýpi tónip tur.
Kúdikti qamaýǵa alyndy. SHQO polısıa departamenti atalǵan áreketter úshin qylmystyq jaýapkershilikke tartylatynyn eskertedi.
Kez-kelgen jaǵdaıda bopsalaýdyń qurbany bolǵan adamdar quqyqtyq qorǵaý organdaryna ótinishpen júginýi kerek, eń birinshi qadam úshin “102” jedel arnasyna qońyraý shalý jetkilikti.