Sheteldik kompanıa aldymen samokattardan bastap, keıin taksı qyzmetine aýysady, dep habarlaıdy aqshamnews.kz
Estonıalyq Bolt kompanıasy Qazaqstan halqyna taksı qyzmetin usynýy múmkin. Bul týraly kólik mınıstri Nurlan Saýranbaev málimdedi.
Mınıstrdiń pikirinshe, elimizde taksı baǵasyn tómendetý úshin naryqqa basqa da kompanıalardy tartý kerek. Qazir vedomstvo halyqqa tańdaý berý úshin tıisti kompanıalarmen kelissóz júrgizip jatyr.
«Bizdiń ishki naryqqa Bolt kompanıasy kirip jatyr. Olar qazir samokattan bastap, sosyn taksıge aýysady. Iandeks pen Indraıver kompanıalary qazir bir birimen básekeles», - dedi Saýranbaev Úkimette ótken baspasóz máslıhatynda.
Onyń aıtýynsha, búginde óńirlerde jekemenshik qazaqstandyq kompanıalar taksı qyzmetin kórsetedi. Biraq Astana, Almaty sıaqty iri qalalarda negizinen Iandeks pen Indraıver jumys isteıdi.