«Bolmaǵan balalyq shaq». Taǵdyr taýqymetin keshken bala júrektiń balǵyn armany osyndaı ataýmen teatr sahnasynda kóppen qaýyshty, -dep habarlaıdy Almaty-akshamy.kz Almaty.tv-ge silteme jasap.
Áýel basta bir shyǵarmaǵa arqaý bolǵan bozbala ǵumyr endi qoıylym bolyp kópke jol tartty. Aýyr jolda arman qýyp, jalǵyzdyǵymen arpalysqan bala kóńildiń ishki arpalysy sýretteledi. Ákeden aırylyp, anadan tirideı jetimdik kórgen Aqosh – basty keıipker. Al basty keıipker – basqa qoıylymdaǵydaı kórkem qıaldyń týyndysy emes, ómirde bar, qoǵamda orny aıqyn aqynnyń ózi.
«Men rejıserge erkindik berdim, ózim aralasqan joqpyn. Ár rejıserdiń kózqarasy bar. Men ózim de tolqyp turmyn. Shynyn aıtqandaı, mundaı bestseller bolady dep oılaǵan joqpyn», – dedi aqyn, Qazaqstan Jazýshylar odaǵy basqarma tóraǵasynyń birinshi orynbasary Aqberen Elgezek.
«Bolmaǵan balalyq shaq» kitap retinde kópke jol tartyp, qazaqy bestsellerge aınalǵan edi. Jalpy oqyrman qaýym úzdik dep baǵalaǵan týyndyny sahnalaý 3 jyl buryn josparlanǵan.
«Akterlerge 3 aı buryn ról berildi. Sodan keıin 1 aı repetısıa júrdi. Basty rólde oınaıtyn akterge 6 aı buryn aıtylǵan», – dedi qoıýshy rejıser Farhad Moldaǵalı.
Janarǵa jas keltirip, júrekti qozǵaı tura, jaqsy kúnderden kúder úzbeýge úıretken qoıylymynyń premerasyna kelgen kórermenniń qarasy qalyń. Bir adam taǵdyry arqyly qoǵamnyń beınesin ashqan qoıylymnyń basty jetistigi – onyń shynaıylyǵy.