Avtokóliktiń artynda 40-qa jýyq mıgrant zańsyz tasymaldanǵan.
Bolgarıada júk kóliginde óli kúıinde tabylǵan 18 mıgrant aýa jetpeı tunshyǵyp kóz jumǵan, dep habarlaıdy Almaty-akshamy.kz focus.ua agenttigine silteme jasap.
Sońǵy aılarda Balqan eli zańsyz ımıgranttar aǵynyna tap bolǵan.
«Aldyn ala málimetter boıynsha, avtokóliktiń artynda 40-qa jýyq mıgrant zańsyz tasymaldanǵan. Olar aǵash salynǵan kýpede jasyrynǵan. Mıgranttar jol-kólik oqıǵasynan qaıtys bolmaǵan. Aýa jetpeı, tunshyǵyp kóz jumǵan. Qazir tiri qalǵan 34 adam, olar ózderin aýǵandyqtarmyz dep tanystyrǵan. Ulttyq tergeý qyzmeti jaýap alýda. Olardyń keıbirine tıisti medısınalyq mekemelerde medısınalyq kómek kórsetilýde», - dedi İİM ókilderi.
Lokorsko aýylynyń mańynda, Sofıa astanasynan shamamen 20 km qashyqtyqta turǵan júk kóligin jergilikti turǵyndar taýyp, polısıaǵa habarlaǵan. Tiri qalǵan jolaýshylar aýrýhanaǵa jetkizilgen. Kontrabandıster izdestirilýde. Qaıǵyly oqıǵa ornynda Ulttyq tergeý qyzmetiniń 10 tergeýshisi, prokýrorlar men İshki ister mınıstrliginiń qyzmetkerleri jumys istep jatyr.