Nur Otan Almaty qalalyq fılıaly janyndaǵy Ult densaýlyǵy jónindegi óńirlik keńestiń tóraǵasy Bolat Sadyqov partıa ázirlegen saılaýaldy baǵdarlamany júzege asyrý boıynsha jasalǵan Jol kartasynyń oryndalýy sapaly bolýy qajettigin aıtty, dep habarlaıdy almaty-akshamy.kz
Kún tártibiniń birinshi jáne ekinshi máseleleri boıynsha Jol Kartasynyń 111-tarmaǵy qaladaǵy medısınalyq uıymdardyń jabdyqtandyrylýy deńgeıiniń ósýi jáne Jol kartasynyń 112-tarmaǵy medısına qyzmetkerleriniń biliktilik deńgeıin arttyrý týraly Almaty qalasy qoǵamdyq densaýlyq basqarmasy basshysynyń orynbasary Svetlana Sultanǵazıeva baıandama jasady.
Óz kezeginde S. Sultanǵazıeva medısınalyq uıymdardy materıaldyq-tehnıkalyq jabdyqtaýdy jaqsartý úshin jergilikti búdjet qarajatynan 43,1 mlrd. teńge bólingenin, onyń ishinde ÓJJ (ókpeni jasandy jeldetý) 285, joǵary aǵyndy ottegi terapıasy apparaty High Flow 250, ottegi konsentratorlary 1050, rentgen apparaty 47, ÝZI apparatynan 52 jáne 135 jedel járdem kóligi alynǵanyn aıtty. Sonymen qatar, respýblıkalyq búdjet esebinen 562,1 mln.teńge somasyna 94 medısınalyq jabdyqtar alynǵan. Keńes músheleri málimdemege basqa baǵyttaǵy jabdyqtarǵa da úlken mán berýdi usyndy.
Óz kezeginde qoǵamdyq densaýlyq basqarmasyna qarasty 5069 maman oqý kýrstarynan ótken. Onyń ishinde shetelde biliktilikti arttyrýdan 13 maman: «BLS,ACLS,PALS, PHTLS trenerler kýrsy», (Izraıl 12 adam), «Otolarıngologıadaǵy MRT dıagnostıkasy» - (Izraıl1 adam) otandyq mamandardyń qatysýymen 40-tan astam semınar-trenıngter ótkizilgenin aıtty.
Al Almaty qalasy qoǵamdyq damý basqarmasy basshysynyń orynbasary Rınat Bekbergenov óziniń baıandamasynda Almaty qalasynyń jastary arasynda salaýatty ómir salty qaǵıdattaryn nyǵaıtý jóninde 7 tarmaq boıynsha jumys jasalyp jatqanyn habarlady. Olar: jastardy buqaralyq sport túrlerimen qamtýdy qamtamasyz etý, dene shynyqtyrý saýyqtyrý keshenderin salý, jastardyń týrızmge qyzyǵýshylyǵyn arttyrý, narkologıalyq esepte turǵan 15-29 jas aralyǵyndaǵy jastardyń sanyn azaıtý, 18-29 jas aralyǵyndaǵy jastardyń arasyndaǵy VICH/SPID aýrýy taralýyn azaıtý, 14-29 jas aralyǵyndaǵy qyz balalardyń arasynda abortty azaıtý, 15-29 jas aralyǵyndaǵy jastardyń arasynda sýısıdti azaıtý.
İs-shara barysynda barlyq suraqtar qyzý talqyǵa alynyp, jaýapty mekemelerge tıisti usynystar berildi.