Búgin Nur Otan partıasynyń kezekten tys onlaın ótken HHİİ sezinde partıanyń ataýy Amanat bolyp ózgertildi. Shyny kerek, bul halyqtyń kópten kútken jańalyǵynyń biri bolatyn. Óıtkeni qańtar oqıǵasy bizdiń bılik pen qoǵamnyń arasyndaǵy sheshilmeı kele jatqan máselelerdi kórsetip berdi.
Búgin partıanyń ataýy ózgertilse, biz endi onyń jumys mazmuny da ózgeretinine senemiz. «Partıa saılaýshylardyń amanatyn oryndaý arqyly elge qyzmet etedi» degen ýáde berildi. Burynǵydaı emes, qazir halyqtyń kózi ashyq, saýatty. Eldegi árbir jańalyqty áleýmettik jeliler arqyly bárimiz baqylap, oqyp, bilip otyrmyz. Sondyqtan partıa endi bilek sybana halyqtyń ıgiligi úshin jumys isteýi kerek. Búgin Amanat partıasy «memlekettiń múddesin, halyqtyń murasyn saqtaımyz, halyq ıgiligi úshin jumys isteımiz, saılaýshylar amanatyn oryndaımyz, qoǵamdaǵy áleýmettik ádildikti jaqtaımyz, otbasy qundylyǵyn saqtaımyz» dep kóptegen ýáde berdi. Bizge osy ýaqytqa deıin talaı ýáde berilip keldi. Endi biz partıadan tek oryndalǵan jumystar, qoǵamda sapaly ózgerister kútemiz.
Qazir elim degen árbir azamat Qazaqstan qoǵamynyń ózgergenin qalaıdy. Olaı bolsa, ol tek partıalarǵa ǵana mindet emes, ol ózgeriske eldiń árbir azamaty óz salasynda úles qosýy kerek. Biz biriksek qana úlken kúshke aınalamyz.
Daıyndaǵan Á.Daǵjan.