Úndistannyń Kalkýtta qalasyna jaqyn jerde vaksınasy men emi joq ólimge ákeletin Nıpah vırýsynyń órshýi anyqtaldy, - dep habarlaıdy aqshamnews.kz.
Report aqparatynsha, Batys Bengalıa shtatynda vırýstyń 5 jaǵdaıy anyqtaldy, onyń úsheýi osy aptada tirkeldi. Zardap shekkenderdiń arasynda dáriger, medbıke jáne medısınalyq mekemeniń bir qyzmetkeri bar.
Kalkýta mańyndaǵy jeke aýrýhanada jumys isteıtin taǵy eki medbıke vırýsty jańa jyldan keıin juqtyryp alǵan. Ekeýiniń de qyzýy kóterilip, tynys alý joldary buzylǵan. Aýrý juqtyrǵan áıelderdiń biri komaǵa túsken. Ol testileý júrgizilmeı turyp qaıtys bolǵan naýqasty emdeý kezinde vırýs juqtyrǵan bolýy múmkin degen boljam bar.