Qurmanǵazy atyndaǵy Qazaq ulttyq halyq aspaptar orkestri Ahmet Jubanovtyń 120 jyldyǵyna arnap «Ǵasyrlar pernesi» atty konsert uıymdastyrdy, - dep habarlaıdy aqshamnews.kz.
Keshte qazaq ulttyq kásibı mýzykanyń negizin qalaýshy, kompozıtor, dırıjer, kórnekti ǵalym Ahmet Jubanovtyń qundy mýzykalyq murasynan túrli shyǵarmalar oryndaldy. Keshte Qazaqstannyń eńbek sińirgen qaıratkeri, ánshi Tolqyn Zabırova, Abaı atyndaǵy opera jáne balet teatrynyń solısi Aıdos Jabaǵın, opera ánshisi Nematýllo Zkrýllaev, kúıshi Azamat Shynarov, qobyzshy Ásel Raqymjan jáne A. Jubanov atyndaǵy daryndy balalarǵa mektep ınternatynyń balalar hory qatysty. Orkestrge «Qurmet» ordeniniń ıegeri Abylaı Tilepbergen, Nurken Áshirov pen Erlan Dáýrenbekov dırıjerlik etti.
Konsert barysynda QR Ulttyq ortalyq mýzeıine qarasty Ahmet jáne Ǵazıza Jubanovtardyń memorıaldyq mýzeıinde «Ult rýhyn asqaqtatqan tulǵa» atty kórme uıymdastyryldy. Ekspozısıada Ahmet Jubanovtyń ómir joly men qyzmetine qatysty arhıv qujattary, sırek fotosýretter, qoljazbalar, notalyq eńbekter, kitaptar, jeke zattary usynylǵan.