AES salý kómir elektr stansıasynan bas tartýdy bildirmeıdi. Jylý elektr stansıalary elimizde jylý kózi bolyp qala bermek, al AES — elektr energıasynyń tapshylyǵyn sheshýdiń senimdi quraly. Sondyqtan kómir salasynyń mamandary atom energetıkasynan qaýiptenbeýi kerek. Atom energetıkasy men kómir elektr stansıalary birin-biri tolyqtyratyn kózder retinde qarastyrylýy tıis.
AES elektr energıasyn óndirýde taza ári turaqty qýat kózi bolsa, JES eldiń jylý qajettilikterin qanaǵattandyrady. Elimizdiń ónerkásibi men turǵyn úı-kommýnaldyq sharýashylyǵy úshin jylý energıasy óte mańyzdy bolyp qala beredi. Sonymen qatar, AES paıdalanýǵa berilgende kómir elektr stansıalarynyń ekologıalyq júktemesin azaıtýǵa múmkindik týady, óıtkeni AES kómirsýtekti az shyǵaratyn tıimdi ári ekologıalyq taza energıa kózi bolmaq.
Osylaısha, AES pen JES birigip jumys isteı otyryp, elimizdiń energetıkalyq balansyn ártaraptandyrýǵa jáne halyqtyń qajettilikterin turaqty qamtamasyz etýge jaǵdaı jasaıdy. Bul eldiń energetıkalyq qaýipsizdigin nyǵaıtyp, kómirden alynatyn energıa kózderine táýeldilikti tómendetedi jáne parnıktik gazdardyń atmosferaǵa shyǵarylýyn qysqartady.