Týnıstiń aýyl sharýashylyǵymen jasalǵan kelisimge sáıkes, Soltústik Afrıka memleketi mamandaryn jiberip, ozyq tájirıbemen bólisedi.
Azyq-túlik qaýipsizdigi jónindegi Islam uıymy elimizge azyq-túlik pen aýyl sharýashylyǵy salasynda yntymaqtastyqty damytýdy kózdep kelgen delegasıany qabyldady, dep habarlaıdy Almaty-akshamy.kz 24.kz-ke silteme jasap.
Týnıstiń Aýyl sharýashylyǵy, sý resýrstary jáne balyq sharýashylyǵy mınıstri Abdel Monem Belatı bastap kelgen delegasıa quramynda 7 kásiporyn ókilderi bar. Olar qazaqstandyq áriptesterimen, alys-beris ornatý maqsatynda kólik-logıstıka máselesin talqylaıdy. Qazaqstan Týnıske bıdaı, al Soltústik Afrıka memleketi bizge qurma jáne záıtún ónimderin jetkizýge nıetti. Eki el arasynda týrızmdi damytý joldary da qarastyrylady.
«Osy 2 kúnniń ishinde bizde óte jaqsy mańyzdy kezedsý ótip jatyr. Sonyń aıasynda bizde jańa mınıstr Aıdarbek Saparovpen birge kezdesý boldy. Sol kezdesý aıasynda óte jaqsy kelisimsharttar, mańyzdy máseleler talqylandy», - deıdi Azyq-túlik qaýipsizdigi jónindegi Islam uıymynyń bas dırektory Erlan Baıdáýlet.