Áleýmettik jelilerde túıequstyń aıaǵyndaı aıaǵy, kengýrýdaǵydaı qaltasy bar qulaǵy súıir qulaqty áıeldiń erekshe músini bar jalǵan vıdeo taraýda, dep habarlaıdy almaty-akshamy.kz stopfake.kz silteme jasap.
Ártúrli janýarlardyń genderi bar vaksınalardy qoldana otyryp, «globalıster» naq osyndaı adamdy jasamaq eken. Bul durys emes. Joba «Elıs 2.0» dep atalady, bul adamnyń denesine janýarlardyń ártúrli qasıetterin qoldana otyryp ózgertse, adamnyń qandaı bolýy múmkin ekendigi taqyrybyndaǵy qıal.
stopfake.kz
Antropolog Elıs Roberts júrek ustamasy qaýpin azaıtý úshin modelge ıttiń júregin salyp jaqsartqan, sezimtal, turaqty bolýy úshin kózin úlken qylǵan, sondaı-aq jyldam bolatyndaı emý túıequsynyń aıaǵyn tańdaǵan jáne onyń kengýrý sıaqty bala kóteretin qaltasy bar, bul áıelder úshin bosaný prosesin áldeqaıda jeńildetedi.
Bul joba adamdardy «Elıs 2.0» uqsatyp ózgerte bastaıdy nemese bolashaqta adamdar osyndaı bolady degendi bildirmeıdi. Bul – qıal ǵana.
Vaksınalarǵa ártúrli janýarlardyń genderin qosady degen teorıaǵa keletin bolsaq, bul COVID-19 qarsy vaksınalarda shımpanze men jylannyń genderi bar degen feıkterge negizdelgen. Shyndyǵynda, bul aýrýǵa qarsy birde-bir vaksınada mundaı ıngredıentter joq.
Sonymen qatar vaksınalar adamnyń DNQ-syn ózgerte almaıdy, óıtkeni olar bul molekýla «saqtalatyn» jasýsha ıadrolaryna enbeıdi.
Demek, taralǵan aqparat – feık. Vıdeoda kórsetilgen músin – bul antropologtyń qıalynyń jemisi, vaksınalarda janýarlardyń genderi joq.