Bul baǵdalama aýyl balalaryna aǵylshyn tilin úıretýdi kózdeıdi.
Tildik daǵdyny damytatyn jobany ázirleý úshin ol birneshe oqý-ádistemelik quraldaryn zerttegen. Sóıtken eńbegi esh ketpepti. Qazir oqýshylary aýdan boıynsha ozyq tur. Baqytgúl Beısetbaeva 13 jyldan beri ustazdyq etedi, dep habarlaıdy Almaty-akshamy.kz 24.kz-ke silteme jasap.
Ol ózi jumys isteıtin Júrimbek Sydyqov atyndaǵy mekteptiń 2005 jylǵy túlegi. Joǵary bilimdi Qyrǵyzstanda, al magıstratýrany «Bolashaq» baǵdarlamasymen Anglıada oqyǵan bilikti mamanǵa kezinde túrli laýazymdy qyzmet usynylypty. Aǵylshyn tili pániniń muǵalimi sonyń bárinen bas tartyp, týǵan aýylynda qalýdy jón sanaǵan.
«Ózimniń ustanymym bar. Ózim elime kómek kórsetsem qaı jerde bolmasy, aýyldy jerde bolmasyn. osy negizgi ustanymyn sebep. Óz mektebimde jańǵyryp, óz mektebimde jumys jasap osy balalardyń deńgeıin kóterip úlesimdi qosqym keledi», - J.Sydyqov atyndaǵy orta mekteptiń muǵalimi Baqytgúl Beısetbaeva.
«Bolashaq» baǵdarlamasynyń túlegi oqýshylarǵa sabaq berip qana qoımaı, oqý ádistemelik quraldardy zerttegen. Sol arqyly «English aýylda» jobasyna qatysyp jeńimpaz atandy. Ári aýyl balalaryna shet tilin úıretýdiń avtorlyq baǵdarlamasyn jasap shyǵardy.
«Biz oqý jylyn bastaǵanda oqýshylardan dıagnostıkalyq test alamyz. Basynda, ortasynda óziniń ýaqytynda test alyp monıtorıń jasap otyramyz. Odan keıin muǵalimderge kómek retinde ádis tásildermen jumys jasaımyz. Qalaı oqýshyǵa tıimdi sabaq berý kerek. Oqýshyny bir sabaqtan shyqqan kezde bir eki sóılemdi bilip shyǵý kerek. Osy jumystardyń barlyǵy jasaldy. Endi osy jumystardy mınısterstvoǵa usynbaqshymyz», - dedi J.Sydyqov atyndaǵy orta mektep muǵalimi Baqytgúl Beısetbaeva.
Júrinbek Sydyqov atyndaǵy mektepte balalardyń qarym qabiletin ashýǵa baǵyttalǵan toǵyz joba júzege asyp jatyr. Sonyń aıasynda qosymsha fakýltatıvti sabaq ótetin «Jas órt sóndirýshi» kadet synyby ashyldy. Bilim ordasynda ózge de bastamalar qolǵa alynǵan.
«Ol «Biz tańdaǵan toǵyz qadam» dep atalady. Osy joba ishinde «English aýylda» jobasy boıynsha utyp alǵan Baqytgúl Tólegenqyzynyń jumysy osy baǵdarlamanyń ishindegi strategıalyq baǵyt bolǵan. Sol toǵyz qadammen jumys istep, «Daryndy balalar», «Talantty ustazǵa daryndy oqýshy» sekildi árbir baǵyt boıynsha jumys júrip jatyr», - dedi J.Sydyqov atyndaǵy orta mekteptiń dırektory Ádiljan Syzdyqbaev.
Mektepte aǵylshyn tilinen segiz muǵalim sabaq beredi. Olardyń shákirtteri byltyrǵy UBT aýdan boıynsha eń jaqsy kórsetkishke qol jetkizdi.