Qazaqstan boksshysy Jasmın Qızatova 2023 jyly Taılandtyń Bangkok qalasynda 22 jasqa deıingi sportshylar arasyndaǵy Azıa chempıonatynyń fınalynda óner kórsetti.
70 keli salmaqtaǵy sheshýshi beldesýde otandasymyzdyń qarsylasy Ózbekstan sportshysy Azıza Zokırova boldy. Jasmın Qızatova tóreshilerdiń bólek sheshimimen jeńiske jetti, al Zokırova «kúmis» enshiledi, dep habarlaıdy Almaty-akshamy.kz Egemen.kz-ke silteme jasap.
Buǵan deıin Qazaqstan áıelder quramasy sapynda Móldir Toıkova (50 keli), Ánel Saqysh (54 keli), Vıktorıa Grafeeva (57 keli), Shahnaz Isaeva (60 keli), Nazerke Serik (63 keli), Aqnar Ishanova (66 keli) jáne Dana Dıdaı (75 keli) qola júldegerler atandy.