Alýa Balqybekovaǵa 30 myń AQSH dollary beriledi
Túrkıanyń Ystanbul qalasyndaǵy álem chempıonatynda júldegerler qatarynan kóringen qazaqstandyq boksshylar qarjylaı syıaqymen marapattaldy, dep habarlaıdy Almaty-akshamy.kz.
Bul jóninde Qazaqstan boks federasıasy málim etti.
Qazaqstan boks federasıasynyń prezıdenti Keńes Raqyshev elimizdiń sportshylaryn qoldaý maqsatynda Túrkıadaǵy álem chempıonatyna arnaıy keldi.
Sapar barysynda ol otandyq boksty damytýǵa baılanysty sheteldik áriptesterimen birqatar mańyzdy kezdesýler ótkizdi.
Odan keıin qazaqstandyq boksshy Alýa Balqybekovanyń fınaldyq jekpe-jegin tamashalady. Sportshylarmen júzdesýde júldege ilikken jáne bokstyń jarqyn úlgisin kórsetken búkil boksshylarǵa alǵys aıtty.
Aıta keteıik, álem chempıonatynyń qorytyndysy boıynsha júldegerler IBA syıaqysynan bólek Qazaqstan boks federasıasynyń qarjylaı syıaqysymen marapattalady.
Osylaısha kúmis júldeger Alýa Balqybekovaǵa 30 myń AQSH dollary berilse, qola júldegerler Jaına Shekerbekova, Dına Jolaman, Karına Ibragımova jáne Valentına Halzova 10 myń dollarǵa ıe bolady.