92 kelidegi Aıbek Oralbaı da fınalǵa shyqty
Aıbek Oralbaı Iordanıa astanasy Amman qalasynda bokstan ótip jatqan Azıa chempıonatynyń fınalyna shyqty, dep habarlaıdy Almaty-akshamy.kz QazAqparatqa silteme jasap.
A.Oralbaı 92 kelige deıingi salmaqta jartylaı fınalda ırandyq Týfan Sharıfımen qolǵap túıistirdi.
Aıbek birden báseke tizginin qolǵa alyp, aıqyn basymdylyqqa ıe boldy. Muny tóreshiler de joqqa shyǵarǵan joq – 5:0, Aıbek Oralbaıdyń paıdasynda.
Osylaısha, Azıa birinshiliginde erler arasynda Qazaqstannan toǵyz boksshy fınalǵa joldama alsa, al úsheýi qola júldemen kúpteldi.
A.Oralbaı 12 qarasha kúni ótetin fınaldyq jekpe-jekte ózbekstandyq, etnıkalyq qazaq, álem chempıonatynyń qola júldegeri Madıar Saıdrahımovpen altyn júldeni sarapqa salady. Ol jartylaı fınalda ıordanıalyq sportshyny 5:0 esebimen tize búktirdi. Aıbek 2021 jyly Belgradta ótken álem birinshiliginde osy Madıarǵa jol berip, júldesiz qalǵan edi. Sonda ketken esesin qaıtara ala ma, ony rıng kórsetedi.
Eske sala keteıik, budan buryn Azıa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.
Sondaı-aq qazaqstandyq boksshy qyzdardyń fınaldaǵy qarsylastary anyqtaldy.
Boksshy Sanjar Táshkenbaı Azıa chempıonatynyń fınalyna shyqty.
Taǵy bir qazaqstandyq álem chempıonyn utyp, fınalǵa shyqty.
Azıa chempıonatynda 3 boksshy fınalǵa shyqty.
Alýa Balqybekova bokstan Azıa chempıony atandy.
Bokstan Azıa chempıonatynda taǵy eki qazaqstandyq boksshy fınalǵa ótti.
Qamshybek Qońqabaev sońǵy aıqasqa joldama aldy.
Sáken Bıbosynov álem chempıonyn utyp, fınalǵa joldama aldy.
Aslanbek Shymbergenov qarsylasyn nokdaýnǵa jiberip, fınalǵa shyqty.
Nurbek Oralbaı qola júldeni qanaǵat tutty.