Tórt altynmen Úndistan kósh bastady
Úndistannyń Nú-Delı qalasynda bokstan áıelder arasynda ótken álem chempıonatynda Qazaqstan quramasynyń medaldar kestesinde neshinshi oryn alǵany anyqtaldy, dep habarlaıdy Almaty-akshamy.kz QazAqparatqa silteme jasap.
Qazaqstandyq qyzdar birinshilikte 2 kúmis, 4 qola júldege ıe bolyp, medaldar kestesinde 8-satydan kórindi.
Tórt altyny bar Úndistan kósh bastasa, Qytaı (3 altyn, 1 kúmis, 3 qola) ekinshi, Reseı (1 altyn, 1 kúmis, 1 qola) úshinshi orynda. 2023 jylǵy álem chempıonatynyń medaldar kestesi:
1. Úndistan — 4-0-0
2. Qytaı — 3-1-3
3. Reseı — 1-1-1
4. Italıa — 1-1-0
5. Marokko — 1-0-1
5. Taıvan — 1-0-1
5. Brazılıa — 1-0-1
8. Qazaqstan — 0-2-4
9. Kolýmbıa — 0-2-2
10. Aýstralıa — 0-2-1
11. Monǵolıa — 0-1-1
11. Taıland — 0-1-1
13. Vetnam — 0-1-0
14. Fransıa — 0-0-3
15. Belarýs — 0-0-1
15. Ońtústik Koreıa — 0-0-1
15. Ázerbaıjan — 0-0-1.
Sonymen qatar qazaqstandyq boksshylardyń qansha tabys tapqany belgili boldy.
Kúmis alǵan Karına Ibragımova (57 kg) men Lázzat Kúngeıbaevaǵa (+81 kg) 50 myń dollardan tıse, qola júldegerler Alýa Balqybekova (48 kg), Nadejda Rábes (66 kg), Valentına Halzova (75 kg) jáne Farıza Sholtaıǵa (81 kg) 25 myńnan buıyrdy. Bárin qosqanda, qazaqstandyqtar Halyqaralyq boks qaýymdastyǵynan (IBA) 200 myń AQSH dollaryn alady.
Álem chempıonatyna Qazaqstannan barlyǵy 12 sportshy barsa, Nazym Qyzaıbaı (50 kg), Jazıra Oraqbaeva (52 kg), Jaına Shekerbekova (54 kg), Rımma Volosenko (60 kg), Aıda Ábikeeva (63 kg) jáne Mádına Nurshaeva (70 kg) júldesiz qaldy.
Eske sala keteıik, budan buryn Karına Ibragımovanyń bokstan álem chempıonatynyń kúmis júldegeri atanǵanyn jazǵan bolatynbyz.
Sondaı-aq Lázzat Kúngeıbaevanyń altyn úshin rıngke shyǵatyny habarlandy.
Boksshy Lázzat Kúngeıbaeva álem chempıonatynyń kúmis júldegeri boldy.