Qazaqstan boks federasıasynyń prezıdenti Shahmurat Mútáliptiń málimetine súıensek, 2024 jyldyń alǵashqy jarty jyldyǵy Qazaqstan boks federasıasy úshin jemisti ári jeńisti kezeń boldy, dep habarlaıdy almaty-akshamy.kz atalǵan federasıanyń resmı paraqshasyna silteme jasap.
«Osy aralyqta elimizde Azıa chempıonaty jáne birneshe halyqaralyq týrnır uıymdastyryldy, eń bastysy – Parıj Olımpıadasy joldamalary boıynsha meje oryndaldy. Erler quramasy barlyq salmaq dárejeleri boıynsha lısenzıa ıelense, áıelder komandasy buryn-sońdy bolmaǵan nátıjeni tirkep, úsh salmaq boıynsha joldamalar jeńip aldy», - dedi Boks federasıasynyń basshysy.
Sondaı-aq federasıa basshysy ár jeńistiń artynda birlesken toptyń júıeli jumysy turǵanyn atap ótti.
«Sportshynyń turaqtylyǵyna jáne eńbekqorlyǵyna bapkerdiń biliktiligi men senimin, mamandardyń úzdiksiz járdemin qossa ǵana maqsatqa jetýge bolady. Parıj Olımpıadasy – barlyǵymyz úshin belgili bir kezeńge qorytyndy jasaıtyn asa mańyzdy jarys. Bylǵary qolǵap sheberleri halyqty túrli dárejedegi júldelermen qýantady degen senimdemin. Qazaqstan boksy jasasyn!», - dep oıyn túıindedi Shahmurat Mútálip.