Qazaqstannyń áıelder quramasy 5 altyn, 2 kúmis jáne 3 qola medal jeńip aldy.
Marokko elinde bokstan ótip jatqan «GOLDEN BELT SERIES MARRAKESH 2023» («Altyn belbeý») halyqaralyq týrnırinde Qazaqstannyń áıelder quramasy 5 altyn, 2 kúmis jáne 3 qola medal jeńip aldy, dep habarlaıdy Almaty-akshamy.kz elimizdiń boks federasıasyna silteme jasap.
48 keli salmaqtaǵy Alýa Balqybekova fınalda taıpeılik Lú Chen-Lıngtti; 57 keli salmaqtaǵy Karına Ibragımova reseılik Lúdmıla Vorontsovany; 54 keli salmaqtaǵy Jaına Shekerbekova ıtalıalyq Alean Savchýkty; 50 keli salmaqtaǵy Nazym Qyzaıbaı reseılik Ekaterına Palsevany; 75 keli salmaqtaǵy Valentına Halzova brazılıalyq Vıvıane Pıreırany jeńdi.
Kúmis medal alǵan sportshylarymyz: Aıda Ábikeeva (63 kg); Lázzat Kúngeıbaeva (+81 kg).
Qola júlde ıelengender: Nadejda Rábes (66 kg), Madına Nurshaeva (70 kg) jáne Farıza Sholtaı (81 kg).
Marrakeshtegi týrnırde Qazaqstan atynan barlyǵy 12 boksshy óner kórsetti.