Belgili boksshy Janqosh Turarovqa qatysty qylmystyq is qozǵaldy.
Oǵan adam zorlady degen aıyp taǵylyp otyr. 33 jastaǵy Janqosh Turarov Qazaqstannyń kásipqoı boksshysy.
Osy jaǵdaıǵa qatysty boksshynyń ózi Instagram paraqshasynda oǵan jala jabylyp otyrǵanyn aıtty.
"Qaıdan shyqqan jala ekenin ózim de túsinbeı otyrmyn, qazir máseleniń mán jaıyn anyqtap, kim qandaı jala taǵyp otyrǵanyn anyqtaıtyn bolamyn", - dep jazǵan sportshy Instagram áleýmettik jelisiniń storız bóliminde.
Almatynyń Polısıa departamentiniń baspasóz qyzmeti bolsa sportshyǵa qatysty taǵylǵan aıypty rastady.
"Áýezov aýdanynyń PB qylmystyq is qozǵady, sot-medısınalyq saraptama taǵaıyndaldy".
Tergeý sharalary júrgiziledi dep naqtylady polısıadan.
Esterińizge sala keteıik, buǵan deıin kásipqoı boksshy Jańqosh Turarov (28-0, 28 KO) kelesi jekpe-jegin 28 qyrkúıek kúni Almatyda ótkizetinin habarlaǵan bolatynbyz.