Oǵlandarymyzdyń deńgeıi qalaı?
Halyqaralyq boks federasıasy (IBF) reıtıńiniń jańartylǵan nusqasyn jarıalady, dep habarlaıdy Almaty-akshamy.kz Rrosports.kz-ke silteme jasap
Ekinshi orta salmaqta Aıdos Erbosynuly tórtinshi orynda qaldy. Alǵashqy eki oryn bos, úshinshi orynda reseılik Evgenıı Shvedenko tur. Bul dıvızıonda IBF tujyrymy boıynsha álem chempıony - meksıkalyq Saýl «Kanelo» Alvares.
Bul uıymnyń orta salmaqtaǵy chempıony ataǵy qazir Gennadıı Golovkınde. Orta salmaqtaǵy qazaqstandyq boksshylar jańa reıtıńide burynǵy ornynda qaldy: Jánibek Álimhanuly – toǵyzynshy, Meıirim Nursultanov – onynshy, Qanat Islam – 13-orynda. Alǵashqy eki oryn bos, úshinshi orynda nemis Patrık Voıchıskı.
Jartylaı orta dıvızıonda Danıar Eleýsinovtiń pozısıasy ózgergen joq. Ol áli de 14-orynda. TOP-3-ke Kýdratıllo Abdýkahorov (Ózbekstan), Shon Porter jáne Djeron Ennıs (ekeýi de – AQSH) kiredi. Bul salmaqta IBF tujyrymy boıynsha álem chempıony - amerıkalyq Errol Spens.
Birinshi jartylaı orta salmaqta 13-orynda bolǵan Batyr Júkembaev reıtıńinen shyǵyp qaldy.