Atyraýda jergilikti blogerdi bopsalaý men urlyq jasaǵany úshin sottady.
Ol sýpermarkette merzimi ótken taýarlardy baıqap, dúken qyzmetkerine polısıa shaqyramyn dep eki mıllıon teńge talap etip qorqytqan, dep habarlaıdy aqshamnews.kz.
Sodan polısıa shaqyrtqan. Polısıa kelgennen keıin bloger merzimi ótken ónimder satylǵany jáne taýarlarda memlekettik tilde aqparattyń bolmaýy týraly aryz jazǵan. Artynan dúkendegilerge óziniń aryzyn qaıtaryp alatynyn aıtyp, 39 824 teńge turatyn ónimderdi alyp ketken.
Birneshe kúnnen keıin bloger Atyraý qalasynyń №2 sotyna baryp, sot prosesine qatysýshy áriptesin qoldaýǵa kelgen. Osy kezde ol prokýrorlar bólmesine kirip, prokýrorlardyń biriniń qaltasynan 20 myń teńge urlap ketken.
Degenmen, aıyptalýshy kinásin moıyndamaı, ózin aqtaýdy suraǵan.
Sot blogerdi QR QK 194-babynyń 2-bóliginiń 3-tarmaǵy men 188-babynyń 3-bóliginiń 3-tarmaǵy boıynsha kináli dep tapty. QR QK 58-babyna sáıkes oǵan 3 jyl 1 aı merzimge bas bostandyǵynan aıyrý jazasy taǵaıyndaldy.
Sot úkimi áli zańdy kúshine engen joq.