Bloger Ásel Asqardy jattyǵý zalynda belgisiz er adam balaǵattap, soqqyǵa jyqqan, dep habarlaıdy Almaty-akshamy.kz.
Túri kavkaz ultynyń ókili, grek-rım kúresinen chempıon, kásibı sportshy soqqyǵa jyqty. Anamdy balaǵattap, ózine eshkimniń eshteńe isteı almaıtynyn aıtyp qorqytty. Onyń beldi adam ekeni belgili boldy. Ol meni uryp qana qoımaı, "qazaqtyń jezókshesi" dedi. Osy oqıǵany anyqtap, qoldanystaǵy zańnama aıasynda sheshim qabyldaýlaryńyzdy suraımyn. Qurmetti general Zaparov Arystanǵalı Rasylhanuly myrza, osy tergeýdiń barysyn jeke baqylaýǵa alýyńyzdy suraımyn, – dedi Ásel Asqar.
Polısıa departamentiniń blogerdi urǵan kúdiktini anyqtady. Kúdikti 27 jastaǵy azamat. Atalǵan is Ákimshilik kodeks aıasynda "Usaq buzaqylyq" jáne "Uryp-soǵý" baptarymen qarastyrylmaq.
Atalǵan derekti Medeý aýdandyq polısıa basqarmasy tirkep, tekserýde. 1996 jyly týǵan azamatqa qatysty ÁQBtK - niń 73-1 ("Uryp-soǵý") jáne ÁQBtK-niń 434 ("Usaq buzaqylyq") baptary boıynsha ákimshilik is qozǵaldy. Jábirlenýshi alǵan dene jaraqattarynyń aýyrlyq dárejesin anyqtaý maqsatynda sot-medısınalyq saraptama taǵaıyndady. Sheshim shyǵarý úshin is júrgizý materıaldary sotqa jiberiletin bolady, - dep málimdedi PD baspasóz qyzmeti.