Parlament Senatynyń depýtaty Bıbigúl Jeksenbaı Qazaqstanda zıan ónimderdiń taralýyn shekteýdi, sondaı-aq quramynda qant mólsheri joǵary paıdasy joq taǵamdar men energetıkalyq sýsyndarǵa qosymsha salyq engizýdi qarastyrýdy usyndy, - dep habarlaıdy almaty-akshamy.kz.
Senator premer-mınıstr Álıhan Smaıylovqa sońǵy ýaqytta qazaqstandyq naryqta "shyǵý tegi belgisiz qunarsyz taǵam" paıda bolǵanyn málimdep, saýal joldady. Jeksenbaıdyń aıtýynsha, ártúrli elderden bizge azyq-túlik jáne paıdalylyq koefısıenti joq taýarlar ákelinedi. Sonymen qatar, zıan ónimderdiń kópshiligi kósheler men jertólelerde shyǵarylady.
"Elimizdiń zańnamasyna sáıkes, árbir ónimde qazaq jáne orys tilderinde óndirýshi, quramy, paıdalaný sharttary týraly aqparat bolýy kerek. Alaıda, elimizdiń dúkenderi men bazarlarynda satylatyn arzan zıan ónimderge qatysty bul talaptar saqtalmaıdy", - dedi Bıbigúl Jeksenbaı.
"Jasyratyny joq, búginde adamdar, ásirese balalar, qant, tuz, maı, hımıalyq qospalary joǵary taǵamdar jarnamasyn eriksiz kóredi. Árıne, bul jarnama qoldanystaǵy zańmen retteledi, biraq densaýlyqqa zıan ónimder týraly aqparatty taratýdy shekteıtin normalar joq. Elimizde balalarǵa jarnamalanatyn taǵamdardyń 72 paıyzy Dúnıejúzilik densaýlyq saqtaý uıymy tyıym salǵan taǵamdar. Zıan taǵamnyń jarnamasyn taratý – aǵzaǵa qasaqana zıan keltirýmen birdeı, sondyqtan múmkindiginshe, qajet jerde shekteý, tipti tyıym salý qajet", - dedi senator.
Depýtat premer-mınıstrden Qazaqstanda zıan ónimderdiń saýdasyna tyıym salýdy, sondaı-aq kedendik baqylaýdy kúsheıtýdi surady.
"Sondaı-aq, mundaı ónimderdi standarttaý, sertıfıkattaý jónindegi qyzmetti qatań baqylaýǵa alý qajet; ásirese balalarǵa zıan taǵamdardyń merzimine shekteý qoıý kerek; paıdaly emes taǵamdarǵa jáne quramynda qant mólsheri joǵary túrli energetıkalyq sýsyndarǵa qosymsha salyq salý týraly máseleni qarastyrý qajet", - delingen Jeksenbaı suraýynda.
Senator Qazaqstanda qandaı ónimge shekteý qoıý kerek ekenin naqtylaǵan joq.