Nesıe 21-den 35 jasqa deıingi jastarǵa tıesili.
2023 jylǵy 1 qańtardan bastap 2021-2025 jyldarǵa arnalǵan kásipkerlikti damytý jónindegi ulttyq joba aıasynda jastarǵa jeńildikpen shaǵyn nesıe berýdiń jańa tetigi engizildi, dep habarlaıdy Almaty-akshamy.kz premer-mınıstrdiń baspasóz qyzmetine silteme jasap.
Qarajat bıznes ashqysy keletin ne kásipkerlikpen, onyń ishinde taýar óndirýmen nemese satýmen, jumys oryndaýmen jáne qyzmet kórsetýmen, jeke qosalqy sharýashylyqta ónim óndirýmen aınalysatyn azamattarǵa konkýrstyq negizde usynylady.
Shaǵyn nesıeler «Agrarlyq nesıe korporasıasy» AQ arqyly beriledi.
Syıaqynyń nomınaldy mólsherlemesi – jyldyq 2,5%-dan aspaıdy, zaımnyń eń joǵary somasy – 5 mln teńgege deıin, merzimi – mal sharýashylyǵyn esepke almaǵanda, kez kelgen maqsattar úshin 5 jylǵa deıin (7 jylǵa deıin).
Jalpy, bul jobaǵa 2023 jyly 28 mlrd teńgeden astam qarjy qarastyrylǵan. Bul 5,7 myńnan astam jastardy qamtýǵa múmkindik beredi.