Forýmda Ózbekstan Týrızm mınıstriniń keńesshisi Lola Rahmanbaeva sóz sóıledi. Onyń aıtýynsha, túrki memleketteriniń ortaq aqparattyq alańǵa ıe bolýy ýaqyt talaby jáne bolashaqtaǵy eń mańyzdy qadamdardyń birine aınalyp otyr. Spıker bul bastamanyń mańyzyn aıta otyryp.
"Buǵan qol jetkizý úshin, álbette, biryńǵaı aqparattyq arnanyń qalyptasýy qajet. Iaǵnı Túrki memleketteriniń ortaq aqparattyq úni bolashaqta paıda bolady. Bul úshin biz osy baǵytta birlese áreket etýimiz kerek," dedi.
Lola Rahmanbaevanyń sózinshe, túrki elderi álemge tanylý jolynda birikken aqparattyq strategıany qalyptastyrýǵa tıis.
"Búginde bizderdiń ortaq álemdik ortalyqtarda PR quraldaryn meńgerý, aqparattyq tehnologıalardy ıgerý, ózimizdiń mádenı jáne týrısik áleýetimizdi sapaly tanystyra bilý - ortaq mindet. Bul baǵytta medıada qyzmet etip júrgen jýrnalıserdiń eńbegi erekshe. Olar bizge jaqyn seriktes retinde mańyzdy ról atqaryp keledi," dedi ol.
Spıkerdiń aıtýynsha, negizgi maqsat- túrki elderiniń aqparattyq baılanysyn nyǵaıtý, komýnıkasıany bir arnaǵa túsirý. "Iaǵnı barlyq memleketter bir ortalyqqa toǵysyp, sol jerden álemdik aqparattyq keńistikke erkin enýi kerek. Bul bir-birimizben aqparat almasýdy jeńildetedi jáne ortaq ún qalyptastyrady," dep atap ótti ol.
Lola Rahmanbaeva túrki memleketteriniń halyqaralyq tanymdylyǵyn arttyrý baǵytynda naqty ister atqarylyp jatqanyn jetkizdi. "Men Qazaqstanda da, Túrkıada da, Ázirbaıjanda da osy baǵyttaǵy ilgerileýdi kórip júrmin. Túrki elderi Qazaqstan, Qyrǵyzstan, Ázirbaıjan,Túrkıa, Túrikmenstan bári óz memleketterinde bir-birin tanytý, aqparattyq yntymaqtastyq ornatý jolynda júıeli jumystar atqarýda,"dedi ol.
Forýmda aıtylǵan bul pikirler túrki áleminiń ortaq aqparattyq keńistik qalyptastyrýda áleýeti joǵary ekenin kórsetip, memleketterdiń mádenı, týrısik jáne ekonomıkalyq bedelin birlese arttyrýǵa baǵyttalǵan jańa qadamdardyń bastamasy bolatynyn aıqyn ańǵartyp otyr.