Taǵy bir irgeli qundylyq — birlik jáne yntymaq. Bizdiń kúshimiz — birlikte. Jurtymyz basyna túsken taýqymettiń bárin myzǵymas birliktiń arqasynda jeńip keledi. Orasan zor syn-qaterler paıda bolǵan qazirgi zamanda yntymaq-birliktiń mańyzy arta tústi, - dep sóıledi Memleket basshysy Qasym-Jomart Toqaev Ulttyq quryltaıdyń úshinshi otyrysynda.
«Qazaqstan — bárimizdiń qasıetti qara shańyraǵymyz. Sondyqtan árbir azamat el taǵdyryna óz taǵdyryndaı qaraýǵa tıis. Bizdiń kúshimiz — yntymaqta. Elimizdiń áleýmettik saıasaty osy qundylyqqa negizdelgen. Memleket te, qoǵam da kómekke shyn muqtaj adamdardy qoldaýǵa qashanda daıyn.
Bizdiń eriktilerimizdiń eren eńbegi — janashyr bolýdyń shynaıy úlgisi. Olar kez kelgen sátte ózgelerge rıasyz kóńilmen kómektesýge umtylady. Bıznes ókilderi jáne basqa da azamattarymyz túrli qaıyrymdylyq sharalarǵa belsene atsalysady. Bul da — tileýles bolýdyń aıqyn kórinisi.
Halqymyzdyń qanyna sińgen janashyrlyq, qamqorlyq, baýyrmaldyq sıaqty asyl qasıetter bizdiń ulttyq ereksheligimiz bolyp qala beredi», — dedi QR Prezıdenti.