Jańa óndirister men jumys oryndaryn ashqan aktıv ıeleri eshqandaı problemaǵa tap bolmaıdy. Memleket basshysy Qasym-Jomart Toqaev Úkimettiń keńeıtilgen keńesinde osyndaı málimet aıtty, dep habarlaıdy almaty-akshamy.kz
«Barlyq qarajat tolyǵymen ekonomıkany damytýǵa jumsalýy qajet. Osy oraıda qarjyny qaıtaryp, elimizdi órkendetýge atsalysqysy keletin azamattarǵa mynany aıtqym keledi. Jańa ındýstrıalyq jobalarǵa qarjy salyńyzdar», - dedi Qasym-Jomart Toqaev.
Prezıdenttiń aıtýynsha, mundaı aktıv ıeleri memlekettiń oń nazarynda bolmaq.
«Qazaqstanda jańa óndirister ashyp, jańa jumys oryndaryn quryńyzdar. Sonda mundaı aktıvterge jáne onyń ıelerine qatysty eshqandaı másele týyndamaıdy. Taǵy da qaıtalap aıtamyn. Biz adal ári ashyq jumys isteıtin bıznes ókilderine barlyq jaǵdaıdy jasaımyz», – dedi Memleket basshysy.