Batyp bara jatqan 131 adam qutqarylǵan, olardyń 35-i – balalar.
Elimizde shomylý maýsymy bastalǵaly 70 adam, onyń ishinde 30 bala sýǵa batyp ketti, dep habarlaıdy Almaty-akshamy.kz
TJM Azamattyq qorǵanys jáne áskerı bólimder komıteti tóraǵasynyń orynbasary Aqylbek Ahmetjanovtyń aıtýynsha, byltyr osy kezeńde 83 eresek jáne 23 bala sýǵa ketken.
Komıtet tóraǵasy orynbasarynyń dereginde, sýǵa batyp ketkenderdiń 85 paıyzy belgilenbegen, jabdyqtalmaǵan, ruqsat etilmegen jerlerde sýǵa túsken. Qalǵan 15 paıyz oqıǵa Almaty, Mańǵystaý, Abaı, Aqtóbe, Pavlodar oblystaryndaǵy ruqsat etilgen shomylý oryndarynda bolǵan.
“Ózderińiz ben jaqyndaryńyzdyń ómirin saqtaý úshin ruqsat etilgen, qaýipsiz jerlerde sýǵa túsý kerek ekenin eske salamyz. Ruqsat etilgen oryndar týraly derekter BAQ betterinde, ákimdik saıttarynda, aımaqtyq departamentterde bar. Elde azamattar júzýge, balyq aýlaýǵa baratyn 85 myńnan astam ózen, 48 myń kól bar. Buqaralyq demalysqa arnalǵan 708 oryn bekitilgen. Olardyń 167-i komýnaldyq, 425-i jekemenshik jaǵajaılar. Qalǵan 116-sy sport pen týrızmge arnalǵan”, – dedi Ahmetjanov.