Jaýyn-shashyn normadan artyq jaýýy múmkin.
«Qazgıdromet» RMK mamandary 2024-2025 jylǵy qys mezgiline arnalǵan maýsymdyq boljamyn jarıalady, dep habarlaıdy aqshamnews.kz
Jeltoqsanda eldiń basym bóliginde sıklondardyń belsendiligi artady. Bul qubylys qar jaýýymen, borandarmen jáne ekpindi jelmen qatar júredi. Qazaqstannyń ońtústik óńirlerine jańbyr men qar kezek-kezek jaýyp, taýly aımaqtarǵa qardyń qalyń túsýi múmkin. Batys pen ońtústikte kóktaıǵaq pen tuman jıi bolady.
Sınoptıkterdiń málimetinshe, soltústik-batys jáne soltústikten keletin antısıklondar aýa temperatýrasyn aıtarlyqtaı tómendetýi yqtımal.
Qańtarda Qazaqstannyń kóp bóliginde aýa temperatýrasy klımattyq normaǵa sáıkes bolady dep boljanyp otyr. Al aqpanda aýa temperatýrasy normadan 1°S-qa joǵary bolýy yqtımal.
Qysqy kezeńniń jalpy sıpattamasy
2024-2025 jylǵy qys mezgilinde el aýmaǵynda temperatýralyq rejım klımattyq norma sheginde bolady. Degenmen jaýyn-shashyn mólsheri kópjyldyq normadan artyq túsýi múmkin. Sınoptıkter keı kezeńde jaýyn-shashynnyń toqtap, aýa temperatýrasynyń anomaldy tómendeýi múmkin ekenin de eskertti.
«Qazgıdromet» RMK mamandary el turǵyndaryn qys mezgilinde aýa raıy ózgeristerin baqylap, qaýipsizdik sharalaryn saqtaýǵa shaqyrady.