Quqyqbuzýshylyqtyń úshten biri para alý deregine tıesili.
Aǵymdaǵy jyldyń qańtar aıynda elimizde 169 sybaılas jemqorlyq deregi boıynsha quqyqbuzýshylyq tirkeldi, bul bir jyl burynǵydan 21%-ǵa az, dep habarlaıdy Almaty-akshamy.kz Finprom.kz-ke silteme jasap.
Salystyrý úshin: 2021 jyldyń osy kezeńinde osyndaı 214 quqyqbuzýshylyq tirkeldi, bul jylyna mınýs 35,2% degen sóz.
Qańtardaǵy mundaı quqyqbuzýshylyqtardyń sany 4 jyl qatarynan azaıyp keledi. 2022 jyldyń qańtaryn 2018 jyldyń qańtarymen salystyratyn bolsaq, zań buzýshylyqtar sany 6,7 esege azaıǵan.
Óńirlik turǵydan alǵanda, sybaılas jemqorlyqqa baılanysty qylmystyq quqyqbuzýshylyqtardyń eń kóbi Almaty qalasynda tirkeldi: barlyǵy 23 jaǵdaı, bul jylyna 27,8%-ǵa artyq. «Jemqor» oblystardyń úshtigine elorda (21 quqyq buzýshylyq, jylyna mınýs 19,2%) men Túrkistan oblysy (18 quqyq buzýshylyq, 2 ese ósim) kiredi.
Mundaı quqyqbuzýshylyqtardyń eń azy Qyzylorda jáne Atyraý oblystarynda tirkelgen, oblystardyń árqaısysynda 3-aq oqıǵa tirkelgen.
Elimizdegi bul quqyqbuzýshylyqtardyń basym bóligi, ıaǵnı 125 is aýyr qylmys sanatyna jatqyzyldy. Taǵy 35 is ortasha aýyrlyqtaǵy, 8 is aýyr emes, 1 is asa aýyr sanattaǵy qylmystar sanatyna jatqyzyldy.
Barlyq qylmystyq sybaılas jemqorlyq quqyqbuzýshylyqtarynyń 32,5%-y para alý boldy: 55 is, jylyna mınýs 12,7%. Budan keıingi orynda para berý (48 is, jylyna mınýs 32,4%), qyzmettik ókilettigin asyra paıdalaný (18 is, plús 63,6%), bótenniń senip tapsyrylǵan múlkin ıemdený nemese jymqyrý (13 is, mınýs 45,8%) jáne bılikti nemese ókilettikti asyra paıdalaný (13 jaǵdaı, mınýs 7,1%) tur.
Aǵymdaǵy jyldyń qańtar aıynda sybaılas jemqorlyq faktileri boıynsha 77 adam ustaldy, bul ótken jylmen salystyrǵanda 1,3%-ǵa artyq.
Sybaılas jemqorlyq quqyqbuzýshylyqtaryn kóbinese ákimdikter men olardyń qurylymdyq bólimsheleriniń qyzmetkerleri (7 adam), Qazaqstan Respýblıkasy Qarjy monıtorıńi agenttiginiń, Densaýlyq saqtaý mınıstrliginiń, Indýstrıa jáne ınfraqurylymdyq damý mınıstrliginiń qyzmetkerleri (árqaısysynda 2 adamnan) jasaǵan.
