Korporatıvtik tabys salyǵy boıynsha jospardyń oryndalmaýy 272 iri salyq tóleýshi boıynsha málimdelgen avanstyq tólem somasynyń 24%-ke azaıýymen baılanysty. Importqa salynatyn qosylǵan qun salyǵy boıynsha jospardyń oryndalmaý sebepteri retinde vıse-mınıstr E.Jamaýbaev mynalardy atady: ımport kóleminiń tómendeýi; EEO elderinen ımport kóleminiń 9%-ke azaıýy, dep habarlaıdy almaty-akshamy.kz.
«Memlekettik búdjetke túsken kiristiń somasy 18,2 trln teńge boldy nemese jospar 98,6%-ke oryndaldy. Respýblıkalyq búdjetke 12,6 trln teńgege jýyq qarajat tústi. Jospar 94,4%-ke oryndaldy», – dedi vıse-premer – qarjy mınıstri E.Jamaýbaev úkimet otyrysynda.
Onyń aıtýynsha, jospardyń 100 paıyz oryndalmaýy negizinen salyq túrlerine baılanysty. Atap aıtqanda, korporatıvtik tabys salyǵy, ımportqa salynatyn qosylǵan qun salyǵy, paıdaly qazbalardy óndirýge salynatyn salyq jáne shıki munaıǵa tıesili eksporttyq keden bajy esebinen qalyptasty.
«Jergilikti búdjet kirisi 109,2%-ǵa atqarylyp, 5,7 trln teńge boldy. Jospar 478 mlrd teńgege, onyń ishinde salyq boıynsha 425 mlrd teńgege asyra oryndaldy»– dedi vıse-premer.
Aıtýynsha, Almaty oblysynan basqa barlyq óńirde kiris boıynsha jospar asyra oryndalyp otyr.