Forbes jýrnaly 2023 jyly eń kóp tabysqa kenelgen fýtbolshylar tizimin jarıalady.
Tizim basyna portýgaldyq fýtbolshy Krıshtıaný Ronaldý ornalasqan, dep habarlaıdy almaty-akshamy.kz.
Basylym aqparaty boıynsha Saýd Arabıasynyń "Ál-Nasr" komandasynda oınap júrgen fýtbolshy bıyl 260 mıllıon dollarǵa baıyǵan. Aılyǵy men qosymsha berilgen syıaqysy 200 mıllıondy qurasa, qalǵan 60 mıllıonyn demeýshileri tólegen. Ekinshi orynda – Lıonel Messı. Argentınalyq fýtbolshynyń bıylǵy tabysy 135 mıllıon dollar shamasynda. Úshtikti brazılıalyq fýtbolshy Neımar túıindep tur. Ol 2023 jyly 112 mıllıon dollar tapqan. Parıjdiń PSJ klýbynan Saýd Arabıasy komandasyna aýysqan oıynshy jaqynda aýyr jaraqat alyp, bıylǵy maýsymdy erte aıaqtady.
Bıyl eń kóp tabysqa kenelgen fýtbolshylar reıtıńi:
1. Krıshtıaný Ronaldý ("Ál-Nasr") - 260 mıllıon dollar;
2. Lıonel Messı ("Inter Maıamı) - 135 mln;
3. Neımar ("Al-Hılál")- 112 mln;
4. Kılıan Mbappe (PSJ) - 110 mln;
5. Karım Benzema ("Al-Ittıhad") - 106 mln;
6. Erlıng Holand ("Manchester Sıtı") - 58 mln;
7. Muhammed Salah ("Lıverpýl") - 53 mln;
8. Sadıo Mane ("Ál-Nasr") - 52 mln;
9. Kevın De Brúıne ("Manchester Sıtı") - 39 mln;
10. Harrı Keın ("Bavarıa") - 36 mln;
11. Robert Levandovskı ("Barselona") - 34 mln.