Almatyda Qazaqstandaǵy mádenıet pen óner salasyndaǵy eń tanymal Freedom Ticketon Awards premıasynyń segizinshi marapattaý rásimi ótedi, dep habarlaıdy aqshamnews.kz
Daýys berý 3 naýryzda bastalyp, 15 sáýirden 16 sáýirge qaraǵan túnde aıaqtaldy. Shamamen bir jarym aı boıy qazaqstandyqtar ótken jyly óner men mádenıet salasynda aıryqsha kózge túsip, eleýli úles qosqan súıikti tulǵalaryna belsendi túrde daýys berdi. Halyqtyq daýys berý aıasynda úmitkerlerge barlyǵy 142 875 daýys berildi.
Bıyl marapattaý rásiminiń formaty ózgerdi. 28 mamyrda onlaın formatta ótedi, bastalýy – 16:00-de. Tikeleı efır siltemesi: https://clck.ru/3MCQYw
Tikeleı efır barysynda uıymdastyrýshylar men uıymdastyrý komıtetiniń ókilderi bıylǵy jyldyń 26 nomınasıasy boıynsha jeńimpazdardy jarıalaıdy.
Bıyl daýys berý mehanıkasy ózgerip, úsh túrge bólindi: halyqtyq daýys berý, nomınanttardyń daýystary jáne uıymdastyrý komıtetiniń daýys berýi. Halyqtyq daýys berý premıa saıty arqyly ótti, onda qazaqstandyqtar kún saıyn úzdikterdi tańdady. Sonymen qatar, bıyldan bastap buǵan deıin daýys berýge qatyspaǵan nomınanttar arnaıy promokodtar alyp, óz nomınasıalarynda daýys bere aldy. Alaıda, ózderine daýys berýge ruqsat etilmedi. Uıymdastyrý komıtetiniń músheleri de promokod arqyly daýys berdi.
Uıymdastyrýshylardyń habarlaýynsha, daýystardyń «salmaǵy» kelesideı bólinedi: daýys berýde kandıdat alǵan daýystardyń maksımaldy nátıjesi 50 upaıǵa teń bolady. Úmitkerler men qazylar alqasynyń daýys berýinde upaılar bylaısha esepteledi: uıymdastyrý komıteti múshesiniń árbir daýysy árbir úmitker úshin taǵy 15 upaı qosady, al úmitkerlerdiń daýysy qosymsha 5 upaı bolyp esepteledi. Endigi, barlyq kezeńder boıynsha daýys berý aıaqtalǵannan keıin, qorytyndy daýystaryn sanaýdy marapattyń táýelsiz aýdıtorlyq toby júrgizedi. Onyń barlyq músheleri NDA-ǵa (jarıalamaý týraly kelisim) qol qoıdy jáne jeńimpazdar marapattalǵanǵa deıin olardyń esimderin jarıalaýǵa quqyqtary joq. Jeńimpazdar týraly aqparat tek marapattaý rásiminiń tikeleı efırinde belgili bolady, tipti kompanıa ókilderi de ony marapattaý kezinde ǵana biledi.
Freedom Ticketon mıllıondaǵan adamdy biriktire aldy. Bıletterdi satyp alýdy jeńildetý ıdeıasynan bastalǵan platforma búginde qalalar, aımaqtar men elder arasyndaǵy mádenı kópirge aınaldy. Sıfrlyq múmkindikterdiń arqasynda óner kópshilikke jaqyndaı tústi, al kórermender qatary keńeıdi. Premıa nomınanttary Qazaqstannyń túkpir-túkpirinde turady, olardyń kópshiliginiń gastróldik jáne jumys kesteleri tyǵyz. Qazirgi jaǵdaıda barlyǵyn bir sahnada jınaý tek onlaın formatta múmkin.
Nomınasıalardyń jeńimpazdaryn kórermender award.ticketon.kz saıtynan, sondaı-aq @ticketonkz Instagram paraqshasynan bile alady. Saltanatty marapattaý rásiminiń tikeleı kórsetilimi 28 mamyr kúni saǵat 16:00-den 18:00-ge deıin ótedi. Translásıa siltemesi – https://clck.ru/3MCQYw