Ákimdik Túrksib aýdanynyń áleýmettik ınfraqurylymyn damytýǵa erekshe nazar aýdarady.
Aýdandaǵy oqýshy oryndarynyń tapshylyǵy qaladaǵy eń tómengi kórsetkishterdiń biri, dep habarlaıdy Almaty-akshamy.kz
1748 oryn tapshy, bul - Almaly aýdanynan keıingi eń tómengi kórsetkish
«Aýdanda qurylys qarqyndy júrip jatqandyqtan, biz jańa mektepter salyp, bar mektepterdi múmkindiginshe keńeıtýge nıettimiz. Ótken jyly «Qaırat» shaǵynaýdanynda 1 500 oryndyq №211 memlekettik mektep-gımnazıa salynyp bitti. Ol óz jumysyn qyrkúıek aıynda jańa oqý jylynan bastaıdy», - dedi qala ákimi Erbolat Dosaev.
«Jaıly mektep» ulttyq jobasyn iske asyrý sheńberinde osy jyldyń II jartyjyldyǵynda Túrksib aýdanynda 6 400 oryndyq 4 mekteptiń qurylysy bastalady. Jumystar kelesi jyly IV toqsanda aıaqtalady. Sondaı-aq 1050 oryndyq 2 mektepke qosymsha ǵımarat salý (450 oryndyq №195 orta mektep, aıaqtalýy – 2023 j. qyrkúıek, 600 oryndyq №198 orta mektep, aıaqtalýy – 2023 j. qyrkúıek), №83 gımnazıa fılıalyn rekonstrýksıalaý (bastalýy – 2023 j. aqpan, aıaqtalýy –2023 j. qazan) jáne № 50 orta mektep ǵımaratyn seısmıkalyq kúsheıtý jobalanýda (bastalýy – 2023 j. aqpan, aıaqtalýy – 2023 j. jeltoqsan).
Qazirgi ýaqytta №70 arnaıy balabaqsha ǵımaratyn seısmıkalyq kúsheıtý jumystary aıaqtalýda, ashylýy II toqsanǵa josparlanǵan. Osy jyldyń sońyna deıin «Qaırat» shaǵyaýdanyndaǵy 260 oryndyq memlekettik balabaqshanyń qurylysy aıaqtalady.