2022 jylǵy 1 qyrkúıekten bastap Memleket basshysynyń tapsyrmasy boıynsha qazaqstandyq joǵary oqý oryndary stýdentteriniń shákirtaqysy 20%-ǵa, magıstranttar men doktoranttardyń shákirtaqysy 15%-ǵa ósedi, dep habarlaıdy Almaty-akshamy.kz Bilim jáne ǵylym mınıstrliginiń baspasóz qyzmetine silteme jasap.
2021 jyldyń qyrkúıek aıynda bakalavrlar shákirtaqysynyń mólsheri 20%-ǵa, magıstranttar men doktoranttar shákirtaqysynyń mólsheri 15%-ǵa artqan bolatyn. Osylaısha, 2021 jyldyń qyrkúıeginen bastap stýdentterdiń shákirtaqysy 31 423 teńgeni, magıstranttardiki – 76 950 teńgeni, doktoranttardiki – 172 500 teńgeni qurady.
Osy jyldyń qyrkúıek aıynan bastap stýdentterdiń shákirtaqysy taǵy da 20%-ǵa ósedi. Mysaly, pedagogıka mamandaryn daıarlaý baǵyty boıynsha oqıtyn stýdentter 58 myń teńgeden astam, basqa baǵyttar boıynsha bilim alatyndar 37 myń teńgege jýyq shákirtaqy ala bastaıdy. Magıstranttardyń shákirtaqysy 86 987 teńgege deıin, doktoranttardyń shákirtaqysy 195 000 teńgege deıin ósedi,– dedi BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.