Osy jyldyń basynan beri Shyńjań-Uıǵyr avtonomıalyq aýdanynda (Qytaıdyń soltústik-batysynda) ornalasqan «Qorǵas» jáne «Alashankoý» temirjol beketteri arqyly Qytaı-Eýropa baǵyty boıynsha 10 myńnan astam júk poıyzy ótti.
Bul týraly China Railway Urumchi Bureau Group Co. Ltd málimdedi, dep habarlaıdy aqshamnews.kz Rail-news.kz-ke silteme jasap.
Kompanıanyń habarlaýynsha, bul kórsetkish jyldyq negizde 9 paıyzǵa artyp otyr.
Qazirgi ýaqytta «Alashankoý» ótkizý pýnkti arqyly Qytaı-Eýropa halyqaralyq temirjol júk tasymaly aıasynda ony álemniń 21 eli men aımaǵymen baılanystyratyn 120 baǵyt, al «Qorǵas» baqylaý-ótkizý beketi arqyly osyǵan uqsas 85 baǵyt bar.