Qarjylaı sertıfıkattar tabystaldy
Bıyl qazaqstandyq daryndy balalar halyqaralyq olımpıadalardan 27 medel jeńip aldy. Bul týraly QR Oqý-aǵartý mınıstri Asqat Aımaǵambetov óziniń Telegram kanalynda jazdy, dep habarlaıdy Almaty-akshamy.kz.
«Halyqaralyq olımpıadalardyń júldeger oqýshylaryn saltanatty túrde marapattadyq. Bıyl daryndy balalarymyz 27 medal jeńip alyp, ótken jyldardaǵy rekordtaryn jańartty. Bıyl quttyqtaýdyń ózi de balalar, olardyń ata-analary jáne muǵalimder úshin erekshe qýanyshty boldy.
Prezıdent Qasym-Jomart Kemeluly Toqaevtyń qoldaýynyń arqasynda 27 jeńimpazǵa 4,7 mln teńgege deıingi sertıfıkattar tabystadyq.
Bul Prezıdenttiń daryndy balalardy yntalandyrý jumystaryn júrgizý boıynsha tapsyrmasynan keıin múmkin boldy. Sondaı-aq oqýshylar UBT tapsyrmaı-aq qazaqstandyq JOO-da oqýǵa granttar aldy», - dep jazdy mınıstr.
Sondaı-aq ol bul baǵyttaǵy jumystar áli de jalǵasyn tabatynyn jetkizdi. Bıyl tizimge 7 halyqaralyq olımpıada kirse, kelesi jyly ol taǵy 7 bedeldi halyqaralyq olımpıadamen tolyǵady.
«Biz elimizdegi barlyq deńgeıdegi olımpıadany ótkizýdiń ashyqtyǵyna erekshe nazar aýdarýdy jalǵastyra beremiz. Sondaı-aq júldeli oryn alǵan oqýshylardy daıyndaǵan ustazdar da birjolǵy aqshalaı tólem alady. Daryndy balalardyń ata-analaryna da alǵys hattar tabystadym.
El Prezıdentiniń jáne memlekettiń tikeleı qoldaýy basqa da oqýshylarymyzdyń olımpıadaǵa qyzyǵýshylyǵyn arttyratynyna senimim mol», - dedi Asqat Aımaǵambetov.