Bıyl Qazaqstanda aýyl sharýashylyǵy mashınalaryn jasaý sektorynda 3 jańa óndiris iske qosyldy.
Olardyń jalpy quny - 5,7 mlrd teńgeni quraıdy, dep habarlaıdy aqshamnews.kz.
Ónekásip jáne qurylys mınıstrliginiń málimetinshe, jobalardy iske asyrý 172 turaqty jumys ornyn qurýǵa múmkindik berdi. Bul týraly «QazIndustry» Qazaqstandyq ındýstrıa jáne eksport ortalyǵynyń Jobalardy iske asyrýǵa monıtorıń júrgizý jáne taldaý dıreksıasy habarlady.
«Kásiporyndar ózdiginen júretin aýyl sharýashylyǵy mashınalaryn, tirkeme jáne aspaly tehnıkany, jańbyrlatyp sýarý jabdyqtaryn, tereń qopsytqyshtardy jáne basqa da tehnıkany shyǵara bastady. Ónimderdiń basym bóligi eldiń ishki qajettilikterin qamtamasyz etýge baǵyttalǵan», - delingen habarlamada.
İske qosylǵan atalmysh jobalar tolyq qýattylyqqa shyqqanda, óndirilgen ónim kólemi 107,3 mıllıard teńgege jetýi múmkin dep boljanýda.
Dıreksıanyń málimetinshe, jalpy aýyl sharýashylyǵy mashınasyn jasaý salasyndaǵy ınvestısıalyq portfel 26 mıllıard teńgeni quraıtyn 10 jobany qamtıdy. Olardy júzege asyrý 700-den astam jumys ornyn qurýdy kózdeıdi.
Qazirgi ýaqytta 18,4 mlrd teńgeni quraıtyn bes joba iske asyrylý satysynda, olar 510-nan astam jumys ornymen qamtamasyz etedi. Jobalar aıasynda kombaındar, traktorlar, aýyr tyrmalar, astyq tasymaldaýǵa arnalǵan kólikter jáne basqa da tehnıka óndirilmek. Óndirilgen ónimderdiń basym bóligi ishki naryqqa baǵyttalatyn bolady.
«Budan bólek, shamamen 2 mlrd teńge quraıtyn taǵy eki joba qarastyrylýda. Otandyq ınvestorlarmen birlesip, aýyl sharýashylyǵy tehnıkalarynyń ártúrli túrlerin óndirý jáne tehnıkalardy jóndeý men qyzmet kórsetý ortalyǵyn iske qosý josparlanýda», – dep naqtylady dıreksıada.
Sonymen qatar, salaǵa ınvestısıalar tartý maqsatynda respýblıkalyq jáne jergilikti deńgeıde arnaıy ekonomıkalyq aımaqtar aıasynda ınvestısıalyq preferensıalar, jeńildetilgen nesıe sharttary, salyqtyq jeńildikter sıaqty qoldaý sharalary kórsetilýde.