Úkimet ekonomıka boıynsha 2023 jyldyń qorytyndysyn jasady
El ekonomıkasy syrtqy jaǵdaılarǵa sátti beıimdelip, bıyl ornyqty ósý traektorıasyna shyqty. Qańtar-qarashanyń qorytyndysyna sáıkes ekonomıkanyń ósýi 4,9% bolsa, ótken jyldyń sáıkes kezeńinde bul kórsetkish 2,7% boldy. Jalpy respýblıka boıynsha jan basyna shaqqandaǵy JİÓ $11,5 myńnan 13,3 myń dollarǵa deıin ósti. Jyldyq mándegi ınflásıa qarashada 2022 jylǵy jeltoqsandaǵy 20,3%-dan 10,3%-ǵa deıin tómendedi. 6 aıdyń qorytyndysyna sáıkes, 13,3 mlrd dollar tikeleı sheteldik ınvestısıa tartyldy. Jyl qorytyndysy boıynsha TSHI shamamen 27 mlrd dollar deńgeıine jetkizý josparlanǵan.
Ekonomıkanyń barlyq salalarynda jalpy quny 967,7 mlrd teńge bolatyn 210 jańa ınvestısıalyq joba iske qosyldy. Jalpy jyl qorytyndysy boıynsha 1,6 trln teńgege 291 joba paıdalanýǵa beriledi dep kútiledi. Mashına jasaý óndirisi 26,8%-rekordtyq qarqynmen ósti.
Bıyl Qazaqstan $65 mlrd-tyń ónimin eksporttady, sonymen birge óńdelgen taýarlardyń eksporty $21 mlrd-qa jetti. «Qarapaıym zattar ekonomıkasy» kásipkerlikti qoldaýdyń memlekettik baǵdarlamasy boıynsha sharttar jetildirildi. 10 myń artyq bıznes talaptary alynyp tastaldy. Kásipkerlik sýbektilerine memlekettik qoldaý kórsetý (sýbsıdıalaý jáne kepildik berý) jyl saıyn artyp keledi. Atap aıtqanda, bul maqsattarǵa «Báıterek» holdıńi jelisi arqyly 2,3 trln teńge bólindi. Shaǵyn jáne orta kásipkerlikti qoldaý 209 mlrd teńgeden 288 mlrd teńgege deıin ulǵaıdy