Freedom Finance Global sarapshylary ınflásıa deńgeıine qaraı avtokólik baǵasy 12-17% ósetinine boljam jasady.
Anyǵynda, kólik baǵasy bıyl 12-17%-ǵa artady dep kútilýde. Sonymen qatar, avtokólik naryǵynyń ósimi ınflásıa qarqynynyń baıaýlaýymen birge tómendeıdi. Desek te, jergilikti naryq úshin bul salystyrmaly túrde alǵanda, joǵary deńgeıde qalady , - deıdi sarapshylar, dep habarlaıdy almaty-akshamy.kz.
Sarapshylar sondaı-aq bıyl eldiń avtomobıl naryǵyndaǵy satylym ósimi baıaýlaıdy dep boljap otyr. Alaıda olardyń kópshiligi jaqyn arada bazalyq mólsherlemeniń tómendeýi múmkin ekenin, sonyń nátıjesinde, halyqtyń nesıe alý múmkindiginiń artatynyn atap ótedi.
«Biz sondaı-aq arnaıy usynys, jeńildik jáne qysqa merzimdi tólemder sanynyń ósimin kútemiz. Alaıda, jalpy alǵanda, ekinshi deńgeıli nesıeler boıynsha mólsherleme 10% -dan joǵary bolyp qalady ári jańa jeńildikti jappaı nesıeleý baǵdarlamasy shyqpaıdy, – deıdi mamandar. Budan ózge, sarapshylardyń pikirinshe, Qytaıdyń qarqyndy damyp kele jatqan avtomobıl ónerkásibi naryq dınamıkasyna tikeleı áser etedi. Mundaı proses basqa óndirýshi elderdiń avtokólikterine suranystyń tómendeýine alyp keledi. «Tutynýshynyń jańa avtokólikterge suranysynyń artýy jáne eski kólikterge degen tutynýshylyq suranystyń tómendeýi de boljanýda», - dep qorytyndylaıdy sarapshylar zertteýin.