Elge kóship kelgender sany 13 myńnan asady
EHÁQM Kóshi-qon komıteti tóraǵasynyń orynbasary Erbolat Abýlhatın Ortalyq komýnıkasıalar qyzmetinde ótken brıfıńte kóshi-qon jaıly aıtty, dep habarlady Azattyq Ruhy.
«Qazir Qazaqstanda 359 pana izdeýshi jáne 327 bosqyn bar. BUU-nyń Bosqyndar isi jónindegi joǵary komısarynyń Ortalyq Azıadaǵy aımaqtyq basqarmasymen birlesip, olardyń áleýmettik jaǵynan qorǵaý, jumyspen qamtý máselesi, medısınalyq, áleýmettik kómek kórsetý boıynsha tıisti ózgerister ázirlenip jatyr.Qazirgi geosaıası ahýal nátıjesinde bıyl kóshi-qon salasynyń oń prosesi baıqaldy. 2023 jyly birinshi jartyjyldyǵynyń qorytyndysy boıynsha oń proses – 6 650 adam», - dedi Abýlhatın.
Ol ataǵandaı, Qazaqstannan shetelge 7 myń adam kóship ketse, sol mezgilde shetelden Qazaqstanǵa kóship kelgender sany – 13 612 adam.
«Kóship kelgerder basym bóligi – eńbekke qabiletti, jas mamandar.Sondaı-aq ishki-kóshi qonǵa toqtalaıyn. Jyl basynan beri 400 myńǵa jýyq adam ishki kóshi-qon prosesine qatysty. Onyń ishinde 182 myńnan asa adam óńiraralyq qonys aýdarý prosesine óz úlesin qosty. Bul adamdar megapolısterge, ońtústikten soltústik oblystarǵa kóship keldi», - dedi ol.