Kóship kelgender sany 6 339 adam
Bıylǵy jyl basynan bergi 8 aıda Qazaqstanǵa kóship kelgender sany 6,3 myń bolsa, kóship ketkenderi – 22 myńnan asyp jyǵyldy, dep habarlaıdy Almaty-akshamy.kz Egemen.kz-ke silteme jasap.
QR Strategıalyq josparlaý jáne reformalar agenttigi Ulttyq statısıka búrosy kóshi-qon qyzmeti organdarynyń málimetinshe, 2021 jylǵy qańtar-tamyz aralyǵynda elimizge turǵylyqty turýǵa 6339 adam kelgen.
Elimizden ketkender sany 22685 adamdy qurady.
Solaısha, kóshi-qonnyń aıyrymy -16346 adam boldy. Elimizdegi negizgi kóshi-qon almasýy TMD memleketterimen ótýde. TMD elderinen kelgenderdiń jáne sol elderge ketkenderdiń úlesi 84,1% jáne 86,1% quraıdy.
El ishinde qonys aýdaratyn kóship-qonýshylar sany 2020 jylǵy qańtar-shildemen salystyrǵanda 7,3% artty. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 4 óńirinde baıqaldy: Almaty (20235 adam), Nur-Sultan (18390 adam), Shymkent (9276 adam) qalalarynda jáne Mańǵystaý oblysynda (346 adam).