Eń tómengi tólem mólsheri 8,5%-ǵa ósip, 28 396,9 teńge (70 % * 40 567) boldy.
Bıyldan bastap 2018 jyldyń 1 qańtarynan keıin zeınetkerlikke shyqqan zeınetkerlerge BJZQ tóleıtin tólemder 5%-ǵa ósti, dep habarlaıdy Almaty-akshamy.kz
BJZQ málimetinshe, zeınetaqy tólemderi QR úkimetiniń qaýlysymen bekitilgen ádistemege sáıkes júzege asady.
Bul ádisteme boıynsha zeınetkerlerge tólemder bylaı esepteledi: tólemderdi qabyldaýdyń birinshi jylynda zeınetaqy jınaqtarynyń somasy zeınetaqy jınaqtarynyń tólem mólsherlemesine – 6,5%-ǵa kóbeıtilip, 12-ge bólinedi.
Jekelegen sanattardaǵy alýshylar úshin: merzimsiz belgilengen 1 nemese 2 toptaǵy múgedektigi barlar, zıan jáne qaýipti óndiristerde jumys istegen, jınaǵy jıyntyqta keminde 60 aı boıy mindetti kásiptik zeınetaqy jarnalary esebinen qalyptastyrylǵan adamdar, aı saıynǵy zeınetaqy tóleminiń mólsherin arttyratyn túzetý koefısıentteri qarastyrylǵan. Joǵaryda kórsetilgen sharttardyń bireýinen artyq jaýap beretin tulǵalar úshin eń joǵary mánge ıe túzetý koefısıenti qoldanylady.
Bul rette, BJZQ-dan aı saıynǵy zeınetaqy tólemi respýblıkalyq búdjet týraly zańda tıisti qarjy jylyna belgilengen eń tómen kúnkóris deńgeıiniń keminde 70%-y mólsherinde júrgiziledi (2023 jyly eń tómengi kúnkóris deńgeıi 40 567 teńge) .
Tıisinshe, jyl basynan beri BJZQ-dan eń tómengi tólem mólsheri 8,5% ósip, 28 396,9 teńge (70 % * 40 567) boldy. Odan keıingi jyldary aı saıynǵy zeınetaqy tóleminiń mólsheri zeınetaqy tólemderin ındeksteý kórsetkishine – 5%-ǵa ósedi.
Eger ótinish bergen kúngi jaǵdaı boıynsha zeınetaqy jınaqtarynyń somasy tıisti qarjy jylyna arnalǵan respýblıkalyq búdjet týraly zańda belgilengen eń tómengi zeınetaqynyń on eki eselengen mólsherinen aspasa, onda bul soma alýshyǵa BJZQ-dan tólenedi. Muny qordaǵylar túsindirdi. (2023 jyly birjolǵy zeınetaqy tólemi 636 912 teńge = 12 * 53 076 teńge boldy).
2018 jylǵy 1 qańtarǵa deıin zeınetke shyqqan jáne BJZQ-dan zeınetaqy tólemderin alǵan qazaqstandyqtar úshin zeınetaqy tólemderi zeınetaqy tólemderin taǵaıyndaý kezinde qoldanysta bolǵan ádisteme boıynsha esepteledi: jyldyq zeınetaqy tóleminiń somasy esepteledi jáne júzege asyrylady. eń tómengi zeınetaqynyń otyz eselengen mólsheriniń eń úlkeninen (2023 jyly – 1 592 280 teńge =30*53 076 teńge) jáne zeınetaqy jınaqtarynyń somasy men tıisti jastaǵy zeınetaqy jınaqtarynyń qazirgi qunynyń koefısıentiniń kóbeıtindisi retinde eseptelgen somadan aspaýy kerek.