Ortasha túsim gektaryna 13 sentner kóleminde aınaldy.
Bul byltyrǵydan 30 paıyzǵa kóp. Qazirdiń ózinde eldiń birqatar óńirinde kúzgi jıyn-terim aıaqtaldy, dep habarlaıdy Almaty-akshamy.kz.
Jalpy, 18 mln tonnadan astam astyq jınaý josparlanyp otyr. Endigi mindet – ónim sapasyn túsirip almaý. Úkimet basshysy jaýaptylarǵa astyqtyń sapaly saqtalýyn qamtamasyz etýdi tapsyrdy. Ol úshin Aýyl sharýashylyǵy mınıstrligi óńir ákimderimen birlesip shuǵyl áreket etýi kerek. Ári keler jylǵa qajetti astyq tuqymyn da umytpaǵan jón.
«Aýyl sharýashylyǵy mınıstrligi óńir ákimderimen birlesip, astyq jınaý jumystaryn tez arada tolyqtaı aıaqtap, astyqtyń sapaly saqtalýyn qamtamasyz etsin. Óńir ákimderi ónimniń astyq qoımalaryna ýaqtyly qabyldanýyn turaqty baqylaýda ustasyn. Kelesi jylǵa qajetti astyq tuqymyn tolyǵymen qamtamasyz etý kerek», - dedi QR Premer-Mınıstri Álıhan Smaıylov.