Mıllıarder Geıtstiń boljaýynsha, COVID-19 juqpaly shtamynyń 2021 jylǵydan góri qaýipti túri bolmaýy múmkin.
Bıll Geıts COVID-19 jańa shtamynyń paıda bolý yqtımaldyǵyn baǵalady, dep habarlaıdy Almaty-akshamy.kz Lenta.ru saıtyna silteme jasaı otyryp.
Maıkrosoft kompanıasynyń negizin qalaýshy Bıll Geıts óziniń Twitter akkaýntynda bıyl koronavırýstyń jańa, juqpaly shtamynyń paıda bolý yqtımaldyǵyn baǵalady.
Onyń aıtýynsha, 2022 jyly COVID-19 juqpaly nusqasynyń paıda bolýy ekitalaı.
«Juqpaly shtamnyń shyǵýy ekitalaı, biraq pandemıa kezinde biz onsyz da kóptegen tosyn syılarǵa tap boldyq», - dep jazdy ol.
Geıtstiń aıtýynsha, «omıkron» shtamynyń áserinen kóptegen adamda kem degende taǵy bir jylǵa ımýnıtet paıda bolady.
«Múmkin biraz ýaqytqa deıin biz jyl saıyn koronavırýsqa qarsy ekpe alýymyz kerek shyǵar», - deıdi ol.
Geıts budan buryn "omıkron" shtamynyń tolqyny basylǵannan keıin álemde koronavırýstyq ınfeksıalardyń sany azaıady dep boljaǵan. Onyń pikirinshe, COVID-19 "omıkron" shtamynyń tolqyny birqatar eldiń densaýlyq saqtaý júıesin qıyndyqqa ushyratady.
Mıllıarderdiń aıtýynsha, aýrýdyń qatty asqynýy ekpe almaǵan azamattar arasynda baıqalady. Degenmen, Geıts "omıkrondyq" tolqynnan keıin koronavırýs aýrýy azaıady degen pikirde.